बुटवल पावर कम्पनीले लाभांश घोषणा गरेको छ । कम्पनीको शुक्रबार सम्पन्न संचालक समितिको बैठकले गत आर्थिक बर्षको मुनाफा बाट १० प्रतिशत बोनस शेयर तथा १८ प्रतिशत नगद लाभांश प्रस्ताव गरेको हो ।
उक्त प्रस्ताव कम्पनीको आगामी साधारणसभाले पारित गरेपछि लगानीकर्तामा वितरण हुनेछ । कम्पनीले पुस २७ गतेको लागि साधारणसभा आह्वान गरेको छ । साधारणसभा प्रयोजनको लागि कम्पनीले पुस ६ गतेदेखि २७ गतेसम्म बुक क्लोज गर्ने निर्णय गरेको छ ।
पुस ५ गतेसम्म कायम शेयरधनीले मात्र साधारणसभामा भाग लिन र बोनस पाउन सक्ने छन् ।
कम्पनीको चुक्ता पूँजी २ अर्ब २१ करोड रुपैयाँ छ ।