नेपाल इन्भेष्टमेण्ट बैंकले लाभांश घोषणा गरेको छ । कम्पनीको आइतबार बेलुका बसेको संचालक समितिको बैठकले लगानीकर्तालाई गत आर्थिक बर्षको मुनाफाबाट ४० प्रतिशत लाभांश दिने गर्ने प्रस्ताव गरेको हो । कम्पनीले १८ प्रतिशत बोनस र कर प्रयोजनको लागि २२ प्रतिशत नगद लाभांश बितरण गर्ने प्रस्ताव गरेको हो ।
कम्पनीको उक्त प्रस्ताव नेपाल राष्ट्र बैंकले स्वीकृति दिएपछि र बैंकको आगामी साधारणसभाले पारित गरेपछि लगानीकर्तालाई वितरण हुनेछ । हाल बैंकको चुक्ता पुंजी १० अर्ब ६४ करोड रहेकोमा प्रस्तावित बोनस बितरण प्रश्चात बैंकको चुक्ता पूँजी १२ अर्ब ५६ करोड पुग्नेछ ।
बिजपाटी डटकमले नेपाल इन्भेस्टमेन्ट बैंकले ४० प्रतिशत लाभांश वितरण गर्ने प्रक्षेपण गरेको थियो । यस अघि ग्लोबल आईएमई बैंक, नबिल बैंक, नेपाल बंगलादेश बैंक, सनराइज , एनएमबी, सानिमा, एभरेष्ट, स्टाण्डर्ड चार्टर्ड, र एनआईसी एशिया, सिद्दार्थ बैंकले शेयरधनीलाई लाभांश वितरण गर्ने प्रस्ताव गरिसकेका छन।
यो पनि :