राष्ट्रियसभाको बिहिबारको बैठकले ‘नीति अनुसन्धान प्रतिष्ठान विधेयक, २०७६ र ‘राजश्व चुहावट, अनुसन्धान तथा नियन्त्रण (पहिलो संशोधन) विधेयक' पारित गरेको छ ।
आजकै बैठकमा ‘रेल्वे विधेयक, २०७६’ पेश भएको छ । भौतिक पूर्वाधार तथा यातायातमन्त्रीका तर्फबाट डा. युवराज खतिवडाले उक्त विधेयक पेश गरेका हुन्। बैठकले नेपाल विशेष सेवा विधेयक, २०७६ लाई दफावार छलफलका लागि विधायन व्यवस्थापन समितिमा पठाउने निर्णय समेत गरेको छ ।