चालू आर्थिक वर्ष २०७६/०७७ को १० महिनामा वैदेशिक व्यापार ११.८९ प्रतिशतले घटेको छ । गत आर्थिक वर्षको यही अवधिमा १२ खर्ब ५६ अर्बको वैदेशिक व्यापार भएकोमा चालु वर्ष ११ खर्ब ७ अर्ब रूपैयाँको वैदेशिक व्यापार भएको छ ।
भन्सार विभागको तथ्याङ्क अनुसार चालु वर्षको १० महिने अवधिमा विभिन्न मुलुकबाट १० खर्ब २५ अर्ब रूपैयाँ बराबरको सामान आयात हुँदा ८२ अर्ब ६ करोडको मात्रै निर्यात भएको छ ।
गत वर्षको तुलनामा १२.९९ प्रतिशतले आयात घटेको छ भने निर्यात ४.५० प्रतिशतले बढेको छ । विभागको तथ्यांक अनुसार चालु आर्थिक वर्षको १० महिनामा ९ खर्ब ४३ अर्बको व्यापार घाटा भएको छ ।