स्थानीय तहमा रोजगार संयोजकका लागी तीन हजार बढीको आवेदन परेको छ । सरकारले दोस्रो चरणमा फागुन ३० देखि चैत १० गते भित्र २६८ स्थानीय तहका लागी माग गरेको आवेदनमा पाँच दिनमै ३ हजार ३५५ जनाको आवेदन परेको छ ।
अघिल्लो पटक खुलाएको आवेदनमा शाखा अधिकृत सरहका ७०५ जना र नायव सुब्बा सरहका ४८ जना गरि कुल ७ सय ५३ जना कर्मचारीको माग गरिएको थियो । जस अन्तर्गत ४ सय ८५ स्थानिय तहमा मात्र रोजगार संयोजकको पदपूर्ति भएको हो । बाँकी स्थानिय तहको लागी मन्त्रालयले पुन शाखा अधिकृत सरह २४९ र नायव सुब्बातर्फ १९ जना माग गरेको छ ।
अघिल्लो पटक माघ ४ गते खुलाएको आवेदनमा २४ हजार आवेदन परेको थियो । माघ ४ गतेको खुलाएको आवेदनको अन्तिम नतिजा भने फागुन १३ गते नै सार्वजनिक भईसकेको छ ।
