रोजगारदाताले सामाजिक सुरक्षा योजनाको ऐन परिमार्जन गर्न माग गरेको छ । हाल जारी भएको सामाजिक सुरक्षा योजनाको ऐनलाई कार्यन्वयन गर्न नसक्ने भएकोले ऐन परिमार्जन गर्न रोजगारदाताले माग गरेको संयुक्त ट्रेड युनियन समन्वयन केन्द्र (जेटयुसिसि) का अध्यक्ष विनोद श्रेष्ठको भनाई छ ।
अध्यक्ष श्रेष्ठले सामाजिक सुरक्षा योजनामा समाबेश हुन रोजगारदाताले आनाकानी गरिरहेको बताए । रोजगारदाताहरुले श्रमिकहरु योजनामा जान नमानेको बहाना बनाउदै बेईमानि गरिरहेको उनले दाबी गरे। श्रमिकलाई दिनुपर्ने सेवा सुविधा र राज्यलाई तिर्नुपर्ने करबाट बच्नको लागी रोजगारदाताले ऐन परिमार्जनको माग गरेको उनको भनाई छ । यदि रोजगारदाताले आफ्नो संस्था र श्रमिकलाई सामाजिक सुरक्षा कोषमा दर्ता नगराए दबाब मुलक कार्यक्रम मार्फत दर्ता हुन बाध्य बनाउने उनले बताए ।
