सरकार आफैले युवालाई भाषा सिकाएर विदेश पठाउदै छ भन्ने सुन्दा अचम्म लाग्न सक्छ । तर सुदूरपश्चिम सरकार भने युवालाई रोजगारीको लागि विदेश पठाउन विभिन्न देशका भाषा सिकाउँदै छ ।
प्रदेशले युवालाई वैदेशिक रोजगारीमा पठाउन ३ महिना जापानी, कोरियन र अंग्रेजी भाषा प्रशिक्षण कक्षा सञ्चालन गर्न लागेको हो । यसबाट ३ सय २० युवालाई बैदेशिक रोजगारीमा पठाउने सरकारको लक्ष्य छ । यसका लागि सामाजिक विकास मन्त्रालयले धनगढीस्थित स्टार प्रालिसँग ३५ लाख बढी रकमको सम्झौता गरिसकेको छ ।
प्रदेश सरकारको रातो किताबमा समावेश कार्यक्रम कार्यान्वयन गर्न लागिएको मन्त्रालयले जनाएको छ ।