वैदेशिक रोजगार ठगी मुद्दामा फरार अभियुक्तलाई केन्द्रीय अनुसन्धान व्यूरो (सीआईबी) ले दुई बर्षपछि पक्राउ गरेको छ। काठमाडौं महानगरपालिका-१० की विमला थापालाई सीआईबीको टोलीले आइतबार नयाँ वानेश्वरको थापागाउँबाट पक्राउ गरेको हो।
सरिताकुमारी सापकोटाको जाहेरीमा विमलालाई वैदेशिक रोजगार न्यायाधीकरणले ०७४ असार २६ गते एक वर्ष ६ महिना कैद र एक लाख ५० हजार फैसला सुनाएको थियो। फैसला सुनाएको करिब दुई बर्षपछि मात्रै विमला पक्राउ परेकी हुन्।
पक्राउ परेकी विमलालाई सोमबार जिल्ला अदालतमार्फत कैद भुक्तानका लागि केन्द्रीय कारागार सुन्धारा पठाइएको छ केन्द्रिय अनुसन्धान व्यरो महाराजगंज काठमान्डौका प्रवक्ता तथा प्रहरी उपरीक्षक वेल बहादुर पाण्डेले जानकारी दिए।
