कतार प्रहरीको लागि मागको पुर्व स्वीकृति बिना नै अन्तर्वार्ता लिईरहेको सूचनाको आधारमा वैदेशिक रोजगार विभागले होप इन्टरनेशनल प्रालिमा छापा मारेको छ ।
अन्तर्वाता लिइरहेको सूचनाको आधारमा विभागले मंगलबार लाजिम्पास्थित कार्यालयमा छापा मारेको हो । अन्तर्वाताका आवश्यक सम्पूर्ण कागजात लिएर भाग्न लागेका हरि विश्वकर्मालाई पक्राउ गरिएको र जम्मा गरेर राखिएका पासपोर्ट समेत नियन्त्रणमा लिएको जनाएको छ ।
सोमबार विभागले कतार पुलिसका लागि अन्तरर्वार्ता लिएको सूचनाका आधारमा धापासीमा रहेको एसओएस म्यानपावर सर्भिस प्रा.लि र गौरीघाटमा रहेको डीडी ह्युमन रिसोर्स प्रा.लीमा छापा हानेर आवश्यक सम्पूर्ण कागजात जफत गरेको थियो ।
केही समयअघि कतार रोजगारीका लागि १७ वटा म्यानपावर कम्पनी छनोट भएको भन्दै सार्वजनिक भएको नाम तीनै कम्पनीको समेत नाम रहेको थियो ।