फाइल फोटो
इलाम नगरपालिका–४ पुवाखोलामा रहेको जोशी हाइड्रोपावरमा आगलागी भएको छ । मेची राजमार्ग नजिकै रहेको हाइड्रोपावरको टर्वाइन जेनेरेटरमा एक्कासी आगो लागेको हो । केही दिनअघिबाटै सञ्चालन हुन छोडेको जेनेरेटर मंगलबार सञ्चालन गर्न साथ आगो लागेको हो ।
स्थानीयवासी, जनप्रतिनिधि, जिल्ला प्रहरी, कर्मचारीलगायतको सहयोगमा डेढ घण्टापछि आगो नियन्त्रणमा आएको छ । वडा नं ३ का अध्यक्ष नुतनदेव दुलालले आगलागी हुँदा झण्डै ५ करोडको क्षति भएको बताए ।