फाइल फोटो
इलाम नगरपालिका–४ पुवाखोलामा रहेको जोशी हाइड्रोपावरमा मंगलबार आगलागी भएको छ । मेची राजमार्ग नजिकै रहेको हाइड्रोपावरको टर्वाइन जेनेरेटरमा एक्कासी आगो लागेको हो । केही दिनअघिबाटै सञ्चालन हुन छोडेको जेनेरेटर मंगलबार सञ्चालन गर्न साथ आगो लागेको हो ।
स्थानीयवासी, जनप्रतिनिधि, जिल्ला प्रहरी, कर्मचारीलगायतको सहयोगमा डेढ घण्टापछि आगो नियन्त्रणमा लिएका थिए । वडा नं ३ का अध्यक्ष नुतनदेव दुलालले आगलागी हुँदा झण्डै ५ करोडको क्षति भएको बताए ।
कम्पनीका प्रशासन तथा लेखा प्रमुख सुधिर लामिछानेले आफु बाहिर भएकोले के कारण आगलागी भएको र क्षति के कति भयो भन्ने जानकारी आफु समक्ष आईनसकेको बताएका छन् । क्षतिको विवरण र कारण बारे अध्ययन गर्न आज काठमाडौँबाट एक टोलीले इल्लाम तर्फ गएको कम्पनीले जनाएको छ।
बिमा भने एभरेष्ट इन्स्योरेन्समा गरिएको प्रशासन तथा लेखा प्रमुख लामिछानेले बताए । यस संगै जोशीले बिमा दाबी गरेमा एभरेष्टले दाबि भुक्तानी दिनु पर्ने देखिन्छ ।