रसुवागढी जलविद्युत् आयोजनाको सुरुङ भित्र खटिएका कामदारको सकुशल उद्दार गरिएको छ । ९ नेपाली र ६ जना चिनियाँ नागरिकको शुक्रबार बिहान उद्दार गरिएको हो ।
बिहिबार बेलुका आयोजना निर्माण स्थलमा सुख्खा पहिरो जाँदा उनीहरु रात भर सुरुङ भित्रै थुनिएका थिए । बिहिबार बेलुका करिब साढे ८ बजे तिर अचानक पहिरो गएको हो । उनीहरुको ११ घण्टा पछि सकुशल उद्दार गरिएको हो । फसेका कामदारको नेपाल प्रहरी, सशस्त्र प्रहरी र नेपाली सेनाको टोलीले उद्दार गरेको हो । थुनिएका कामदार मध्ये एक जना सामान्य घाइते रहेको आयोजना प्रमुख छवि गैरेले बताए ।
आयोजना निर्माण स्थलमा अझै पनि पहिरो खसिरहेको छ । पह्रिरो जाने क्रम नरोकिएपछि काम रोकिएको छ ।