अपर तामाकोशीको साधारणसभा स्थगित गर्न माग गर्दै निवेदन परेको छ । कम्पनीको आगामी असार ११ गतेको लागि तय भएको साधारणसभा र संचालक समितिको निर्वाचन रोक्न माग गर्दै निवेदन परेको हो ।
आयोजना निर्माणस्थल दोलखाको बिगु गाउँपालिकाका प्रमुख युधिष्ठिर खड्काले साधारणसभा स्थगित गरी नयाँ मिति प्रस्ताव गर्न माग गर्दै निवेदन दिएका हुन् । कम्पनीले स्थानीय सरकार, स्थानीय लगानीकर्तालाई समय मै जानकारी नदिएकोले आम जन सहभागिता बिना साधारणसभा हुन् नसक्ने भन्दै खड्काले साधारणसभा रोक्न माग गरेका हुन् ।
उनले स्थानीय सरकार र सरोकारवालासँग परामर्श गरेर नयाँ मितिमा साधारणसभा गर्न समेत माग गरेका छन् । खड्काले आफुले इमेल मार्फत सोमबार निवेदन दिएको बिजपाटीलाई जानकारी दिए ।
आयोजना प्रमुख बिज्ञान श्रेष्ठले भने ऐन र कानुनमा भएको व्यबस्था अनुसार नै साधारणसभा अगाडी बढ्ने बताएका छन् । श्रेष्ठले नियम अनुसार समयमा नै गोरखापत्रमा सूचना प्रकाशित गरेको, कम्पनीको वेबसाइटमा पनि सूचना राखेकोले सूचना नदिएको भन्न नमिल्ने बताए । यदि साधारणसभाको बिरुद्दमा केहि उजुरी परे त्यसलाई बोर्ड बैठकमा पेश गरिने र बोर्डले त्यसको निर्णय गर्ने उनले बताए ।
११ गतेको लागि तय भएको साधारणसभाले ४ जना संचालक समेत चयन गर्ने छ । ४ जनाको लागि १२ जनाले उम्मेदवारी दिएका छन् ।
यस्ता छन् उम्मेदवार ।