बाढीले रसुवागढी आयोजनामा ब्यापक क्षति, कफर ड्याम र हेडवर्क्स नै बगायो

बिजपाटी संवाददाता

बिजपाटी संवाददाता

Aug 19, 2019 | 07:18:31 AM मा प्रकाशित

laxmi  sunrise bank

आइतबार राति भोटेकोशी नदीमा आएको भिषण बाढीले रसुवागढी जलविद्युत आयोजनामा ब्यापक क्षति पुर्याएको छ ।  राति एक्कासी आएको बाढीले आयोजनाको मुख्य संरचनामा क्षति पुर्याउनुको साथै पेन स्टक पाएप समेत बगाएको छ । 

आयोजना प्रमुख छबि गैरेका अनुसार बाढीले टिमुरे भन्सार कार्यालय (सुख्खा बन्दरगाह)बाट रसुवागढी जलविद्युत आयोजनतर्फ जाने बेलीव्रिज बगाएको बताए । उनका अनुसार त्यस ब्रिजबाट अब आवतजावत गर्ने अवस्था नै छैन । त्यस्तै बाढीले हेडवर्क्स , कफर ड्याम र ३ वटा पेन स्टक पाएप समेत बगाएको आयोजना प्रमुख छबि गैरेले जानकारी दिए । उनका अनुसार बाढीले स्थानीयवासिन्दाको लागि फोहोर जलाउनको लागि बनाईएको इन्सीनरेटर समेत बगाएको छ 

बाढीको संकेत  पाउँना साथ हिजो रातभर आयोजनाका ४५ कर्मचारी लिएर आफुहरु उच्च स्थानमा बसेको र पानीको सतह घटेपछि करिब २ बजे फर्किएको उनले बताए। आज बिहानबाट क्षतिको विवरण सुरु गरिएको र पूर्ण क्षतिको विवरण आउँन थप समय लाग्ने उनको भनाई छ ।  

चीन तर्फ भारी बर्षा भएकोले भोटेकोशी नदीमा अचानक भिषण बाढी आएको हो ।  

Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved