अरुण भ्याली हाइड्रोपावर डेभलपमेन्ट कम्पनीले हकप्रद निष्काशनको लागि पुर्व स्वीकृति पाएको छ । विद्युत नियमन आयोगले कम्पनीलाई शर्त सहित १:१ को अनुपातमा हकप्रद निष्काशनको लागि स्वीकृति दिएको हो ।
आधारभुत तथा संचालक शेयरधनीहरुले आफ्नो नाममा रहेको हकप्रद शेयर वापतको रकम भुक्तानी गरे पश्चात मात्र सर्बसाधारणलाई हकप्रद शेयर निष्काशन गर्ने गरी कम्पनीले आयोगबाट स्वीकृत पाएको हो ।
अब नेपाल धितोपत्र बोर्डबाट स्वीकृति पाएपछि कम्पनीले हकप्रद शेयर निष्काशन गर्न छ । कम्पनीले काबेली बी १ क्यासकेड आयोजनाको लागि स्रोत जुटाउन हकप्रद निष्कासन गर्न लागेको हो ।