अपि पावर लिमिटेडले ग्रिडमा आवद्द सौर्य उर्जा आयोजना निर्माण गर्ने भएको छ । कम्पनीले बाराको जितपुर सिमरा उपमहानगरपालिकाको वडा नम्बर १४ मा प्लान्ट राखी सौर्य उर्जा उत्पादन गर्न लागेको हो ।
कम्पनीले यसको लागि अनुमति माग्दै विद्युत विकास विभागमा आवेदन दिएको छ । कम्पनीले १ हजार किलोवाटको आयोजना बनाउने भएको हो । यसबाट वार्षिक सरदर १.६४ गिगावाट घण्टा विद्युत उत्पादन हुने कम्पनीले जनाएको छ ।
त्यहाँ उत्पादित विद्युत ११ केभी प्रसारण लाइनबाट आयोजना स्थल नजिकै रहेको सिमरा सबस्टेशन मारफत राष्ट्रिय प्रसारण प्रणालीमा जोडिने कम्पनीले जनाएको छ ।