नेपाल विद्युत प्राधिकरणको निमित्त कार्यकारी निर्देशकको जिम्मेवारी लेखनाथ कोइरालाले पाएका छन् । प्राधिकरण सञ्चालक समितिका अध्यक्षसमेत रहेका ऊर्जा, जलस्रोत तथा सिंचाइ मन्त्री वर्षमान पुनले १२औं तहका कोइरालालाई निमित्त कार्यकारी निर्देशकको जिम्मेवारी तोकेका हुन् ।
अर्को ब्यबस्था नहुँदासम्मको लागि कोइरालाई निमित्तको जिम्मेवारी दिईएको हो । प्राधिकरणमा उपकार्यकारी निर्देशकको भूमिकामा रहेका कोइरालालाई वरिष्ठताको आधारमा सो जिम्मेवारी दिइएको बताईएको छ। कोइराला हाल प्राधिकरणको अर्थ निर्देशनालयका प्रमुख छन् ।
वरीयताक्रममा कोइरालाभन्दा अगाडी उपकार्यकारी निर्देशक हितेन्द्रदेव शाक्य थिए । तर उनी हाल एनईए इन्जिनियरिङ कम्पनीमा प्रबन्ध सञ्चालकको रुपमा काजमा खटिएका छन् ।
४ वर्षको कार्यकाल सकिएपछि कार्यकारी निर्देशक कुलमान घिसिंग आजबाट बिदा भएका छन् ।