नेपालको चलचित्र नगरीमा पारिश्रमिकलाई लिएर गरीने हल्लाबारे सदावहार नायिका करिश्मा मानन्धरले अशन्तुष्टी व्यक्त गरेकी छिन् । विजपाटीसंगको कुराकानीमा उनले नेपाली सीनेमाको वजेट जम्मा ४० देखि ५० लाख भएको बताईन। पचास लाख वजेट छुट्याएर सुरु गरिएको फिल्मका निर्देशक , नायक वा नायिकाले नै पारिश्रमिकको रुपमा पुरै वजेट नै वुझेको भन्ने हल्लाले कसैलाई फाइदा नगर्ने उनको बुझाई छ ।
पछिल्लो पटक केहि नायक, नायिका र निर्देशकले २५ लाख पारिश्रमिक बुझेको भन्ने हल्ला निराधार भएको समेत उनले वताइन्। उनी भन्छिन ' यस्ता हल्ला गरेर आन्तरिक राजस्व विभागलाई आकर्षित गर्ने काम नगरौ'। आम्दानी गरेपछि राज्यलाई कर तिर्नु पर्ने दायित्व नर्विसन समेत उनले आग्रह गरिन् । उनले त्यति नै आम्दानी गरेकै हो भने खुलेर राज्यलाई आयकर तिर्न पनि आग्रह गरिन ।