अमेरिकन गायक बब डिलनले सन् २०१६ को साहित्यतर्फको नोबेल पुरस्कार पाएका छन् । नोबेल समितिले गायक तथा गीतकार डिलनलाई अमेरिकन गीत संगीत क्षेत्रमा पुर्याएको योगदान स्वरुप साहित्यतर्फको नोबेल पुरस्कार दिने घोषणा गरेको जनाएको छ।
यस अघि साहित्यकार तथा कविलाई दिइदै आएको साहित्यतर्फको नोबेल पुरस्कार पहिलो पटक गीत संगीत क्षेत्रमा सक्रिय स्रष्टाले पाएका हुन् । अमेरिकन गायक तथा संगीतकार डिलन विश्व संगीत क्षेत्रका प्रख्यात गायक मानिन्छन् ।
उनका गीतमा ‘ब्लोइङ इन द विन्ड’, ‘द टाइम्स दे आर चेन्जिङ’, ‘मिस्टर टेम्बोरेन मयान’लगायत चर्चित गीत रहेका छन् । संगीत यात्राको चार दशकपछि डिलनले विश्वकै सर्वाधिक पुरस्कार पाएका हुन् ।
साठीको दशकमा आफ्नो गितार र माउथआर्गनको साथ संगीतको दुनियामा आएका बब डिलनलाई लोकगितको रक स्टार समेत भनिदै आएको छ। बब डिलन अमेरिकामा मात्र नभई विश्वभरको संगीत प्रेमीका लागि प्रिय रहेका छन।