हास्य टेलिश्रृंखला ‘सक्किगोनी’ को टिमविरुद्ध मिडिया हबले प्रहरीमा उजुरी गरेको छ । उनीहरु विरुद्ध कपिराइटको उजुरी परेपछि प्रहरीले अर्जुन घिमिरे पाँडे र कुमार कट्टेल जिग्रीको समूहलाई बोलाएको छ ।
अर्जुन घिमिरेले मिडिया हबले यसअघिका आफ्ना कलाकार (चरित्र)को नक्कल गरेको भनेर कपिराइटको उजुरी हालेको र आफूहरुलाई यसविषयमा छलफल गर्न प्रहरीले बोलाएको बताएका छन् ।
मिडिया हबका प्रमुख सोम धितालले भने आफ्नो टेलिश्रृंखला ‘भद्रगोल’ का क्यारेक्टर अर्को टेलिश्रृंखलामा प्रयोग गर्दा आफूहरुलाई अप्ठेरो परेका कारण उजुरी दिएको बताए । ‘जिग्री, पाँडे, बले कक्रोच जस्ता दर्जनौं क्यारेक्टरहरु मिडिया हबका उत्पादन हुन’, उनले भने, ‘तिनीहरुलाई स्थापित गराउन हाम्रो लगानी परेको छ, त्यस हिसाबमा ती क्यारेक्टरमा स्वभावैले हाम्रो हक लाग्छ ।’
