श्चल बस्नेतको निर्देशन र माधब वाग्ले र नरेन्द्र महर्जनको निर्माण रहेको लुट -२ को ट्रेलरले नयाँ रेकर्ड बनाएको छ। यस अघि युट्युबमा छोटो समयमा सबै भन्दा बढी हेरिएको छक्का पन्जाको ट्रेलरको रेकर्ड तोड्दै लूट-२ ले नयाँ रेकर्ड बनाउन सफल भएको हो।
छक्का पञ्जाको ट्रेलरलाई २४ घण्टामा एक लाख ३० हजार पटक यु ट्युबमा हेरिएको थियो भने २४ घण्टा नपुग्दै लुट २ को ट्रेलर युट्युबमा दुई लाख ३२ हजार भन्दा धेरै पटक हेरिएको छ । यतिबेला लुट २ को ट्रेलर युट्युब ट्रेण्डिङको पहिलो स्थानमा अटाएको छ ।
यो २०६९ सालमा रिलीज भएको 'लुट’को दोस्रो सिक्वेलको रुपमा आएको चलचित्र हो । सौगात मल्ल, दयाहाङ राई,कर्मा शाक्या, विपिन कार्की,ऋचा शर्मा, सुशिलराज पाण्डे लगाएत कलाकारहरुले मुख्य भुमिकामा अभिनय रहेको यस चलचित्रलाई निश्चल बस्नेतले निर्देशन गरेका हुन् भने कथा लेखन पनि उनकै हो ।
फिल्मलाई प्रिन्सेस मुभिज,ब्ल्याक हर्स पिक्चर्स र पपकर्न पिक्चर्सको प्रस्तुतिमा माधव वाग्ले र नरेन्द्र महर्जनले निर्माण गरेका हुन् । ‘लुट २’ फिल्मले यस अघि ‘ठमेल बजार’ बोलको गित रिलिज गरेको थियो जुन छोटो समय मै हिट भएको छ । चलचित्र फागुन १३ गते रिलीज हुदैछ ।