सरकारले पहिलो पटक सहकारी संस्थाहरुको ब्याजदर तोकेको छ । ब्याजदर निर्धारण समितिले सहकारी संस्थाहरुको निक्षेप र कर्जा दुवैको ब्याजदरको सिमा तोकेको हो ।
यसअघि कर्जा लगानीमा २५ प्रतिशतसम्म ब्याज लिदै आएका सहकारीले अब कर्जामा १६ प्रतिशतभन्दा बढी ब्याज लिन नपाउने भएका छन् । निक्षेपमा न्यूनतम १० प्रतिशत ब्याजदर तोकिएको छ । सहकारीले निक्षेपमा दिने र कर्जामा लिने ब्याजदर बीचको अन्तर (स्प्रेड रेट) ६ प्रतिशत हुने भएको छ । सहकारीले कर्जामा महङ्गो ब्याज लिने र निक्षेपमा कम ब्याज दिने भन्ने आलोचना भईरहेका बेला विभागले पहिलो पटक ब्याजदरको सिमा तोकेको हो ।
