कम्पनी ऐन, २०६३ बमोजिम पब्लिक लिमिटेड कम्पनी स्थापना गर्नका लागि लागि न्युनतम ७ जना संस्थापक र कम्तीमा रु.१ करोड चुक्ता पुँजी हुनुपर्छ । यस्तो कम्पनीमा ३ जनादेखि ११ जनासम्म सञ्चालक रहन्छन् ।
बैंकिङ्ग तथा वित्तीय कारोबार, बीमा व्यवसाय, धितोपत्र बजार सम्बन्धी व्यवसाय, सामूहिक बचत कोष संचालन गर्ने र दुरसञ्चार सेवा प्रदायक कम्पनीहरु अनिवार्य रुपमा पब्लिक कम्पनी हुनुपर्ने कानुनी व्यवस्था छ । पब्लिक लिमिटेड कम्पनीमा शेयरधनीको संख्या तोकिएको छैन । पब्लिक लिमिटेड कम्पनीहरुले अनिवार्यरुपमा पब्लिक शेयर जारी गर्नुपर्छ । पब्लिक लिमिटेड कम्पनी स्थापित भएपछि कम्पनी रजिष्ट्रारको कार्यालयबाट स्वीकृती लिनुपर्ने हुन्छ ।
कति लाग्छ दर्ता दस्तुर ?
रु १,००,००,००० /- अधिकृत पूँजी भएमा रु. १५,०००/-
रु १,००,००,००१ /- देखि रु १०,००,००,००० /- अधिकृत पूँजी भएमा रु. ४०,०००/-
रु १०,००,००,००१ /- देखि रु २०,००,००,००० /- अधिकृत पूँजी भएमा रु. ७०,०००/-
रु २०,००,००,००१ /- देखि रु ३०,००,००,००० /- अधिकृत पूँजी भएमा रु. १००,०००/-
रु ३०,००,००,००१ /- देखि रु ४०,००,००,००० /- अधिकृत पूँजी भएमा रु. १३०,०००/-
रु ४०,००,००,००१ /- देखि रु ५०,००,००,००० /- अधिकृत पूँजी भएमा रु. १६०,०००/-
रु. ५०,००,००,०००/- भन्दा माथिको अधिकृत पूँजी भएमा
प्रति १ करोडको रु.३०००/- का दरले दस्तुर लाग्नेछ ।
दर्ता भैसकेको कम्पनीले पूँजी वृद्धि
गरेको खण्डमा पछिल्लो पूँजी कायम भएको थप पूँजी अनुरुप पहिले तिरीसकेको दस्तुर
कट्टा गरी नपुग रकम नयाँ दररेट अनुसार बुझाउनुपर्छ ।
कम्पनी दर्ता
खारेजी शुल्क
कम्पनी ऐन, २०६३ दफा १३६ को उपदफा (१) को खण्ड (क) र दफा १५८ को उपदफा (१) को प्रयोजनको लागि कम्पनीको दर्ता खारेज गर्दा लाग्ने दस्तुर सम्बन्धि ब्यबस्था छ । जस अनुसार पब्लिक कम्पनी खारेज गर्दा रु. १०,००,०००।- रुपैयाँसम्म चुक्ता पूँजी भएको कम्पनी भए रु. १,०००।- र सोभन्दा बढी चुक्ता पूँजी भएकोमा रु. ५,०००।- दस्तुर लाग्छ ।
यो पनि :
