बैदेशिक रोजगारीमा जानलाई श्रम स्वीकृति लिन सहज होस् भनेर सुरु गरिएको अनलाइन टोकन सेवाले झन् धेरै समस्या उत्पन्न भएको छ । बैदेशिक रोजगारीमा जाने कामदारलाई बैदेशिक रोजगार कार्यालय ताहाचलले आइतबारदेखि अनलाइनबाट टोकन सेवा सुरु गरेको थियो । तर अनलाइन सेवाले झन् समस्या भएको सेवाग्राहीले गुनासो गरेका छन् ।
अनलाइनप्रणालीबाट टोकन लिंदा श्रम स्वीकृतिको लागि ७ दिनपछिको मिति पाइने सेवाग्राहीले बताएका छन् । यसबाट सोहि दिन उडान भएका सेवाग्राही श्रम स्वीकृति लिन बाट नै बन्चित भएका छन् । बिजपाटी डटकम स्थलगत रिपोर्टिंङको क्रममा ताहाचल कार्यालय पुग्दा आज बेलुका ५ बजे उडान तय भएका सेवाग्राही बाहिर नै भेटिए । उनीहरुलाई भित्र जान दिईएको छैन । अनलाइन नहुँदा लाइन बसेर सोहि दिन हुने काम अहिले टोकन प्रणालीबाट हुँदा २ दिन ढिलो हुने र आफ्नो टिकट नै रद्द गर्नु पर्ने बाध्यता रहेको सेवाग्राहीको गुनासो छ ।
टोकन प्रणालीअनुसार नयाँ श्रम स्वीकृति, पुनः श्रम स्वीकृति र कागजात प्रमाणिकरण गरिने बिभागले जनाएको थियो । वैदेशिक रोजगार विभागको एकीकृत वैदेशिक रोजगार सूचना व्यवस्थापन प्रणाली (एफइआइएमएस) बाट प्राप्त निवेदनमा उल्लेख भएको टोकन नम्बरका आधारमा तोकिएको मिति र समयमा मात्र काम हुने विभागले जनाएको थियो। तर यसबाट सेवा ग्राही भने मारमा परेका हुन् ।
टोकन प्रणाली आएपछि लाइन बस्नु नपर्ने भनिए सेवाग्राही अझै लाइन बस्न बाध्य छन् । हेर्नुस कार्यालयमा मंगलबार देखिएको अव्यवस्थित भिडको दृश्य।