साताको पहिलो दिन आज आइतबार सुनचाँदीको भाउ घटेको छ । गत साताको अन्तिम दिन शुक्रबार ७० हजार ८ सय रुपैयाँमा कारोबार भएको छापावाला सुन आज तोलामा ६ रुपैयाँले सस्तो हुँदै ७० हजार २ सयमा झरेको छ । तेजावी सुन पनि आज तोलामा ६ सय रुपैयाँले घटेर प्रतितोला ६९ हजार ९ सय रुपैयाँमा आईपुगेको छ ।
चाँदी आज तोलामा १५ रुपैयाँले सस्तो हुँदै तोलाको ८४५ रुपैयाँमा झरेको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको मूल्य ६० हजार १८५, प्रति १० ग्राम तेजावी सुनको भाउ ५९ हजार ९३० र प्रति १० ग्राम चाँदीको मूल्य ७२४ रुपैयाँ ५० पैसा कायम गरेको छ ।
गत हप्तादेखी नै सुनचाँदीको भाउ आरालो लाग्ने क्रम सुरु भएको हो ।