हप्ता दिनपछि कारोबार सुरु हुँदा पनि सुनको भाउ घटेको छ । असोज १७ गतेदेखी आज असोज २४ गते शुक्रबार मात्रै सुनको भाउ सार्वजनिक भएको हो । १७ गते शुक्रबार तोलाको ७० हजार ९ सय रुपैयाँमा कारोबार भएको छापावाला सुन आज एक हप्तापछि ५ सयले घटेर ७० हजार ४ सय रुपैयाँ प्रतितोलामा झरेको छ ।
गत हप्ताको अन्तिम दिन शुक्रबार ७० हजार ६ सय रुपैयाँमा कारोबार भएको तेजावी सुन एक हप्तापछि आज ५ सय रुपैयाँले सस्तो हुँदै ७० हजार १ सय रुपैयाँमा कारोबार भईरहेको छ ।
आज चाँदी तोलामा ५ रुपैयाँले घटेर ८४५ रुपैयाँमा किनबेच भईरहेको छ । गत १७ गते चाँदी ८५० रुपैयाँ तोलामा कारोबार भएको थियो ।
नेपाल सुनचाँदी व्यवसायी महासंघले आज शुक्रबार प्रति १० ग्राम छापावाला सुनको मूल्य ६० हजार ३५५, प्रति १० ग्राम तेजावी सुनको मूल्य ६० हजार १ सय र प्रति १० ग्राम चाँदीको मूल्य ७२४ रुपैयाँ ५० पैसा कायम गरेको छ ।
