साताको अन्तिम दिन आज शुक्रबार सुन चाँदीको भाउ बढेको छ । बिहिबार तोलाको ७१ हजारमा कारोबार भएको छापावाला सुनको भाउ आज तोलामा एकैपटक ३ सय रुपैयाँले बढेर ७१ हजार ३ सय पुगेको हो ।
तेजावी सुनको भाउ पनि आज तोलामा ३ सय रुपैयाँले बढेर प्रतितोला ७१ हजार पुगेको छ । चाँदीको भाउ पनि आज तोलामा ५ रुपैयाँले बढेर ८५५ रुपैयाँ कायम भएको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको मूल्य ६१ हजार १३०, प्रति १० ग्राम तेजावी सुनको मूल्य ६० हजार ८७५ र प्रति १० ग्राम चाँदीको मूल्य ७३३ रुपैयाँ कायम गरेको छ ।
