सुनको भाउ दैनिक रेकर्ड बनाउँदै बढिरहेको छ । साताको दोस्रो दिन आज सोमबार सुनको भाउ तोलामा ५ सय रुपैयाँले बढेर नेपालको इतिहासमै सबैभन्दा मँहगो भएको छ ।
आइतबार तोलाको ७५ हजार ५ सय रुपैयाँमा कारोबार भएको छापावाला सुन आज तोलाको ७६ हजार पुगेको छ । आज तेजावी सुनपनि तोलामा ५ सयले बढेर ७५ हजार ७ सय पुगेको छ । चाँदी एकैपटक २० रुपैयाँले बढेर तोलाको ९२० रुपैयाँ पुगेको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको मूल्य ६५ हजार १६० रुपैयाँ, प्रति १० ग्राम तेजावी सुनको मूल्य ६४ हजार ९०५ रुपैयाँ र प्रति १० ग्राम चाँदीको मूल्य ७८९ रुपैयाँ कायम गरेको छ ।
अमेरिका र इरानबीचको पछिल्लो तनावले सुनको भाउ आकाशिने क्रम जारी छ ।
यो पनिः