साताको पहिलो दिन आज आइतबार सुन चाँदीको भाउ बढेको छ । शुक्रबार ७४ हजार ६ सय रुपैयाँमा कारोबार भएको छापावाला सुन आज तोलामा ४ सय रुपैयाँले बढेर ७५ हजार रुपैयाँ पुगेको छ । शुक्रबार प्रतितोला ७४ हजार ३ सय रुपैयाँमा किनबेच भएको तेजावी सुन पनि आज तोलामा ४ सय रुपैयाँले नै बढेर ७४ हजार ७ सय रुपैयाँ पुगेको छ ।
आज चाँदीको भाउ पनि तोलामा ५ रुपैयाँले बढेर ८९० रुपैयाँ पुगेको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको मूल्य ६४ हजार ३ सय, प्रति १० ग्राम तेजावी सुनको मूल्य ६४ हजार ४५ रुपैयाँ र प्रति १० ग्राम चाँदीको मूल्य ७६३ रुपैयाँ तोकेको छ ।
अमेरिका र इरानबीचको बढ्दो तनावका कारण अप्रत्याशित रुपमा उकालो लागेको सुन चाँदीको भाउ बिहिबारबाट घट्न सुरु भएको थियो । तर बिहिबार र शुक्रबार लगातार घटेको सुनको भाउ आज फेरि बढेको हो ।
