साताको अन्तिम दिन आज शुक्रबार सुन चाँदीको भाउ बढेको छ । बुधबार प्रतितोला ७४ हजार ७ सय रुपैयाँमा कारोबार भएको छापावाला सुन १ सय रुपैयाँले बढेर ७४ हजार ८ सय पुगेको छ ।
बुधबार प्रतितोला ७४ हजार ४ सयमा किनबेच भएको तेजावी सुन आज १ सय रुपैयाँले महँगो हुँदै ७४ हजार ५ सय पुगेको छ । चाँदीको भाऊ तोलामा ५ रुपैयाँले बढेर ८९० रुपैयाँ पुगेको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको मूल्य ६४ हजार १३० रुपैयाँ, प्रति १० ग्राम तेजावी सुनको मूल्य ६३ हजार ८७५ रुपैयाँ र प्रति १० ग्राम चाँदीको मूल्य ७६३ रुपैयाँ तोकेको छ ।