सुन इतिहासकै महँगो भएको छ । यसअघि हालसम्मै उच्च मूल्य अर्थात् प्रतितोला ७६ हजार ६ सय रुपैयाँसम्म पुगेको सुनको भाउले आज फेरि नयाँ रेकर्ड कायम गरेको हो ।
साताको तेस्रो दिन आज मंगलबार छापावाला सुनको भाउ तोलामा सय रुपैयाँले बढेर तोलाको ७६ हजार ७ सय रुपैयाँ कायम भएको छ । आज तेजावी सुन पनि तोलामा १ सय रुपैयाँले बढेर प्रतितोला ७६ हजार ४ सय रुपैयाँ पुगेको छ ।
आज चाँदीको भाउ ८९० रुपैयाँ प्रतितोलामा स्थिर छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको मूल्य ६५ हजार ७६० रुपैयाँ, प्रति १० ग्राम तेजावी सुनको मूल्य ६५ हजार ५०५ रुपैयाँ र प्रति १० ग्राम चाँदीको मूल्य ७६३ रुपैयाँ कायम गरेको छ ।
