मंगलवार सुनको भाउ २ हजारले घटेको छ । सोमबार तोलाको ७७ हजार ५ सयमा कारोबार भएको छापावाला सुनको भाउ आज ७५ हजार ५ सयमा ओर्लिएको छ ।
तेजावी सुन पनि आज तोलामा २ हजार रुपैयाँले घटेर ७५ हजार २ सय रुपैयाँमा आइपुगेको छ । चाँदी तोलामा ८० रुपैयाँमा घटेर ७ सय १० रुपैँया छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ६४ हजार ७ सय ३० रुपैयाँ, प्रति १० ग्राम तेजावी सुनको मूल्य ६४ हजार ४ सय ७५ रुपैयाँ र प्रति १० ग्राम चाँदीको मूल्य ६ सय ९ रुपैयाँ कायम गरेको छ ।
