बुधवार सुनको भाउ १ हजारले बढेको छ । मंगलवार तोलाको ७५ हजार ५ सयमा कारोबार भएको छापावाला सुनको भाउ आज ७६ हजार ५ सयमा पुगेको छ ।
तेजावी सुन पनि आज तोलामा १ हजार रुपैयाँले बढेर ७६ हजार २ सय रुपैयाँमा पुगेको छ । चाँदी तोलामा स्थिर ७ सय १० रुपैँयानै कायम छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ६५ हजार ५ सय ९० रुपैयाँ, प्रति १० ग्राम तेजावी सुनको मूल्य ६५ हजार ३ सय ३५ रुपैयाँ र प्रति १० ग्राम चाँदीको मूल्य ६ सय ९ रुपैयाँ कायम गरेको छ ।