आज बुधबार सुनको भाउले नयाँ रेकर्ड कायम गरेको छ । मंगलबार ८९ हजार सात सयमा कारोबार भएको छापावाला सुनको भाउ आज तोलामा एक सय रुपैयाँले बढेर ८९ हजार आठ सय पुगेको छ । तेजावी सुन पनि आज तोलामा एक सय रुपैयाँले बढेर ८९ हजार ३६५ रुपैयाँ पुगेको छ ।
चाँदी पनि आज बुधबार तोलामा पाँच रुपैयाँले बढेर प्रति तोला ९३० रुपैयाँ पुगेको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ७६ हजार ९९० रुपैयाँ, प्रति १० ग्राम तेजावी सुनको मूल्य ७६ हजार ६१५ रुपैयाँ र प्रति १० ग्राम चाँदीको मूल्य ७९७ रुपैयाँ ५० पैसा कायम गरेको छ ।