आज बिहीबार सुनको भाउ स्थिर रहेको छ भने चाँदीको भाउ बढेको छ । बुधबार ८९ हजार आठ सयमा कारोबार भएको छापावाला सुनको भाउमा आज कुनै परिवर्तन भएको छैन । तेजावी सुनको भाउमा पनि बुधबारको तुलनामा आज कुनै परिवर्तन नभएको नेपाल सुनचाँदी व्यवसायी महासंघले जनाएको छ । तेजावी सुन आज तोलाको ८९ हजार ३६५ रुपैयाँमा कारोबार भैरहेको छ ।
चाँदीको भाउ भने बिहीबार पाँच रुपैयाँले बढेको छ । आज बिहीबार चाँदी प्रति तोला ९३५ रुपैयाँमा कारोबार भैरहेको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ७६ हजार ९९० रुपैयाँ, प्रति १० ग्राम तेजावी सुनको मूल्य ७६ हजार ६१५ रुपैयाँ र प्रति १० ग्राम चाँदीको मूल्य ८०१ रुपैयाँ ५० पैशा कायम गरेको छ ।