आज सोमबार सुन चाँदीको भाउ स्थिर रहेको छ । आइतबार ९९ हजार ६ सयमा कारोबार भएको छापावाला सुनको भाउमा आज कुनै परिवर्तन भएको छैन । तेजावी सुनको भाउमा पनि आइतबारको तुलनामा आज कुनै परिवर्तन नभएको नेपाल सुनचाँदी व्यवसायी महासंघले जनाएको छ । तेजावी सुन आज तोलाको ९९ हजार १६० रुपैयाँमा कारोबार भैरहेको छ ।
त्यस्तै चाँदीको भाउ पनि स्थिर रहेको छ । आज सोमबार चाँदी प्रति तोला एक हजार २३० रुपैयाँमा कारोबार भैरहेको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ८५ हजार ३९० रुपैयाँ, प्रति १० ग्राम तेजावी सुनको मूल्य ८५ हजार १५ रुपैयाँ र प्रति १० ग्राम चाँदीको मूल्य एक हजार ५४ रुपैयाँ ५० पैशा कायम गरेको छ ।
