आज बुधबार सुन चाँदीको भाउ ह्वात्तै घटेको छ । मंगलबार तोलाको १ लाख १ हजार ६ सय रुपैयाँमा कारोबार भएको छापावाला सुनको भाउ ६ हजार २ सय रुपैयाँले घटेर आज ९५ हजार ४ सय रुपैयाँमा आईपुगेको छ ।
तेजावी सुनपनि आज तोलामा ६ हजार २ सय रुपैयाँले नै घटेर ९४ हजार ९ सय रुपैयाँमा आईपुगेको छ । चाँदीको भाउ पनि आज बुधबार २२५ रुपैयाँले घटेको छ । आज चाँदी तोलाको १२ सय १० रुपैयाँमा कारोबार भैरहेको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ८१ हजार ७९० रुपैयाँ, प्रति १० ग्राम तेजावी सुनको मूल्य ८१ हजार ३६० रुपैयाँ र प्रति १० ग्राम चाँदीको मूल्य १ हजार ३७ रुपैयाँ ५० पैसा कायम गरेको छ
