औषधि उत्पादकहरुले भारतले निर्यात रोकेपनि नेपालमा औषधिको अभाव नहुने भएकोले चिन्तित नहुन आग्रह गरेका छन् । सन् १९९९ देखि नेपालमा औषधि उत्पादन गर्दै आएको क्वेस्ट फर्मा सुटिकल्सका प्रबन्ध निर्देशक उमेशलाल श्रेष्ठले नेपाल मै पर्याप्त मौज्दात रहेकोले चिन्तित नहुन आग्रह गरेका हुन् ।
नेपालमा थोक ब्यापारी र खुद्रा ब्यापारीसँग ३ महिनाको लागि पुग्ने मौज्दात रहेको उत्पादकसंग ३ महिनालाई पुग्ने मौज्दात रहेकोले ६ महिनाको लागि चिन्तित हुनु नपर्ने उनले बताएका हुन् । उनले भारतले रोकेको एउटा बाहेक सबै औषधि नेपालमा नै उत्पादन हुने भएकोले आत्तिनु पर्ने स्थिति नरहेको बताएका हुन् ।
उनका अनुसार इन्जेक्सन प्यारासिटामोल बाहेक अरु सबै औषधि नेपालमा हुन्छ । इन्जेक्सन भने भारतबाट ल्याउन नसकिएको अवस्थामा अष्ट्रेलिया, जर्मनी, डेनमार्क लगायतका देशबाट ल्याउने विकल्प खुला रहेको बताए । उनले भने 'यी देशबाट ल्याउँदा भारतको तुलनामा लागत केहि महँगो पर्न जान्छ, तर आवश्यक परेको बेला जस्तो सुकै अवस्थामा सेवा गर्न तयार रहनु पर्छ, अभाव हुन् दिंदैनौ ' ।
भारतले जस्तै नेपालले पनि चीनबाट कच्चा पदार्थ ल्याएर औषधि उत्पादन गर्ने गरेको उनले बताए । चीनबाट कच्चा पदार्थको आयात ठप्प भएको नभई कम मात्र भएकोले उत्पादन निरन्तर भईरहेको उनले बताए ।
भारतले कोरोना भाइरस लागेपछि आवश्यक पर्ने २ दर्जन बढी औषधिको निर्यात रोकेको हो । भारत मै कोरोना भाइरसबाट संक्रमित हुनेको संख्या बढेपछि आफुलाई नै अभाव हुने अवस्था आउँन नदिन भारतले ति औषधिको निर्यात रोकेको हो ।
भारतले पनि ति औषधि बनाउनलाई आवश्यक पर्ने कच्चा पदार्थ चीनबाट ल्याउने गरेको छ । चीन आफै कोरोना भाइरसले प्रभावित भएपछि अहिले कच्चा पदार्थ समेत आउँन रोकिएको छ । कच्चा पदार्थ नै रोकिएको र थप उत्पादन हुने क्रम कम भएकोले भारतले निर्यात रोकेको हो ।
यो पनि :