शुक्रबार थप ३ हजार ५१७ जनामा कोरोना पुष्टि भएको छ । यससँगै देशभर कुल संक्रमितको संख्या १ लाख ६८ हजार २३५ पुगेको छ ।
पछिल्लो समयमा देशभर संक्रमितको संख्या बढ्दै गएको छ । स्वास्थ्य मन्त्रालयका अनुसार हालसम्म १ लाख २८ हजार ९५८ जना निको भएर घर फर्किसकेका छन् । विगत २४ घण्टामा मात्रै ४ हजार ९६ जना कोरोना जितेर घर फर्किएका छन् । हाल ३८ हजार ३५७ जना उपचाररत छन् ।
यस्तै पछिल्लो २४ घण्टामा कोरोनाका कारण थप १६ जनाको मृत्यु भएको छ । यससँगै मृतकको संख्या ९ सय २० पुगेको छ ।