नेपाल औषधि व्यवस्था विभागले मानव स्वास्थ्यमा हानी पुर्याउने स्यानिटाइजर बजारमा भेटिएको जनाएको छ । बजार अनुगमनका क्रममा संकलित नमूनाको परीक्षण गर्दा पछिल्लो पटक विभिन्न ६ कम्पनीका स्यानिटाइजरमा मानव स्वास्थ्यमा प्रतिकुल असर पार्ने मिनाथल भेटिएको विभागले जनाएको छ ।
विभागले सूचना जारी गरेरै सीता हरबल सुनसरी, मकालु जडिबुटी सुनसरी, सुनिमा आयुर्वेद कम्पनी मोरङ, एमके हरबल ललितपूर र ग्यालेक्सी डेण्टल एण्ड सर्जिकल मोरङले उत्पादन गरेका स्यानिटाइजरमा मिनाथल भेटिएको भन्दै यी कम्प्नीका उत्पादन प्रयोग नगर्न र उत्पादक तथा बिक्रेतालाई बिक्रि वितरण रोक्का राख्न निर्देशन दिएको छ । विभागका अनुसार मिनाथलले मानिसको ज्यानै लिन सक्ने सम्मको खतरा हुन्छ ।
बिक्रि रोक्का
यस्तै विभागले ३ कम्पनीका स्यानिटाइजरमा तोकिएको गुणस्तर नपुगेको भन्दै तत्काल बजारबाट फिर्ता लिन निर्देशन दिएको छ ।
कम गुणस्तर
