काठमाण्डौंको भृकुटी मण्डपको प्रर्दशनी स्थलमा सातौँ बृहत राष्ट्रिय छाला जुत्ता तथा वस्तु प्रर्दशनी मेला सुरु भएको छ । उद्योग वाणिज्य तथा आपुर्ती राज्यमन्त्री मोतीलाल दुगडले मेलाको उद्घाटन गरेका हुन् ।
नेपाल छाला जुत्ता उत्पादक संघले मेला आयोजना गरेको हो । मेलामा पछिल्ला उत्पादनहरु भन्दा नितान्त नयाँ मोडलका आधुनीक जुत्ता, चप्पल तथा छाला जन्य वस्तुहरु प्रर्दशन गरीने आयोजकले जनाएको छ । संघले गुणस्तरीय कच्चा पदार्थ तथा दक्ष जनशक्ती प्रयोग गरि उत्पादन गरीएका जेन्स, लेडीज, बच्चाका जुत्ताहरु, लगायत अल्लो तथा हेम्प द्धारा निर्मीत बस्तुहरु पनि प्रर्दशन तथा बिक्री बितरण गरीने जनाएको छ ।
मेलामा बिक्री बितरण गरीने जुत्तामा ६ महिना सम्मको वारेन्टी तथा चप्पल र जुत्तामा १५ देखि २५ प्रतिशत सम्मको छुट दिइने संघले जनाएको छ । माघ ४ गतेसम्म चल्ने मेलामा प्रवेश निशुल्क गरिएको छ ।
