नेपाल घरेलु तथा साना उद्योग महासंघले निर्यात गृह खोल्नको लागि स्थान उपलब्ध गराउन काठमाडौं महानगरपालिकासंग आग्रह गरेको छ । लघु, घरेलु तथा साना उद्योगहरूबाट उत्पादित बस्तुहरू स्थानीय निकायमा उपभोग गर्नुको साथै स्वदेश तथा बिदेशमा बिक्री बितरण गर्न निर्यात गृह खोल्नको लागि महासंघले महानगरलाई आग्रह गरेको हो ।
महासंघका निवर्तमान अध्यक्ष सुरेश प्रधानको नेतृत्वमा महासचिव डम्बर प्रसाद रेग्मी, केन्द्रिय कोषाध्यक्ष सत्यनारायण प्रजापति, प्रदेश उपाध्यक्ष राजेन्द्र श्रेष्ठ र काठमाडौं अध्यक्ष सिता कार्की लगायतका प्रतिनिधि मण्डलले माहानगरका मेयर बिघा सुन्दर शाक्यसंग भेटगरीे सुझाव तथा प्रस्ताव पत्र हस्तान्तरण गरेको महासंघल जनाएको छ ।
भेटमा मेयर शाक्यले माहानगरपालिकाले माहासंघसंग पहिलादेखि नै सहकार्य गर्दै आइरहेको स्मरण गराउदै आगामी दिनहरूमा पनि सहकार्य गर्दै जाने बताएको महासंघले जनाएको छ ।
यस्ता छन् माहासघंको प्रस्ताबमा बुंन्दागत रूपमा अनुरोध गरिएका कुराहरू
१) लघु, घरेलु तथा साना उद्यम व्यवसायलाई राहत दिनुपर्ने ,
२) स्टीमुलस प्याकेजलाई चक्रीय कोषको स्थापना गर्नुपर्ने ,
३) लघु, घरेलु तथा साना उद्यमि व्यवसायिहरु लगायत महानगरपालिका भित्रका करदाताहरुलाई कर छुटको व्यवस्था गर्नु हुन ,
४) राजश्व प्रशासन लाई करदाता मैत्री बनाउनुपर्ने,
५) महानगरपालिकाका क्षेत्र भित्रका उद्यम व्यवसायहरुलाई थप व्यवस्थित गर्न ।