कोरोना भाइरस संक्रमण, नियान्त्रण तथा रोकथामकालागि नेपाल नेपाल उद्योग वाणिज्य महासंघले सरकारलाई सक्दो सहयोग गर्ने भएको छ । महासंघले शुक्तबार एक विज्ञप्ति मार्फत सम्वेदनसिल घडीमा सरकारलाई सक्दो सहयोग गर्ने जनाएको हो ।
त्यस्तै महासंघले आफ्ना सबै सदस्यहरुलई संक्रमण रोकथाम तथा नियन्त्रणकालागि आ-आफ्नो तरीकाले सहयोग गर्न निर्देशन समेत दिएको छ । ‘महासंघले आफ्ना सबै सदस्यहरूलाई अहिलेको यो अतिनै संवेदनशील अवस्थामा सरकारकोमात्र भर नपरी आ–आफ्ना तर्फबाट आ–आफ्ना क्षेत्रमा सक्दो सहयोग गर्न आग्रह गर्दछ ।’ जारी विज्ञप्तिमा उल्लेख छ ।
यसका साथै महासंघले संक्रमणबाट जोगिन सरकारले निर्देश गरेका सवै स्वास्थ्य प्रोटोकलहरूलाई पालनगरी आफनो स्वास्थ्यको ख्याल गर्न सबैलाई आग्रह समेत गरेको छ ।