एजेन्सी साउदी अरबका एक धार्मिक नेतामाथि प्रतिबन्ध लगाइएको छ । साउदीका धार्मिक नेता साद अल हिजरीलाई धार्मिक प्रवचन दिन रोक लगाइएको स्थानीय अधिकारीलाई उधृत गर्दै बिबिसीले जनाएको छ ।
नेता साद अल हिजरीले महिलाहरुको एक चौथाइ मात्र दिमाग हुने भन्दै गाडी चलाउन रोक लगाउनुपर्ने प्रवचन दिएका थिए । उनको प्रवचन भाइरल भएपछि धेरैले आलोचना गरेका छन् भने यसको समर्थन र विरोधमा धारणाहरु बढेका छन् ।
साउदी अरबमा महिलालाई गाडी चलाउन रोक लगाइएको छ भने यसको विरुद्धमा आवाज उठ्दै आएको छ ।
