न्युजिल्याण्डमा शुक्रबार शक्तिशाली भूकम्प गएको छ । स्थानीय समयअनुसार शुक्रबार बिहान ४ बजेर ३७ मिनेट ग्रिस्बोनबाट १०५ माइल उत्तरी पूर्व रहेर ७.१ रेक्टरस्केलको शक्तिशाली भूकम्प गएको हो ।
भूकम्पलगत्तै प्रशासनले स्थानीयलाई घर छाडेर सुरक्षित स्थानमा जान उर्दी जारी गरिएको छ । स्थानीय अधिकारीहरुले भूकम्पपछि सानो सुनामीसमेत आएको बताएका छन् । प्रभावित क्षेत्रका मानिसहरुलाई फेरि पनि भूकम्प तथा सुनामी आउन सक्ने भन्दै उच्च भूभागका जान आग्रह गरिएको छ ।
यसअघि सन् २०११ मा न्यूजिल्याण्डको दक्षिणी आईल्याण्डमा ६.३ म्याग्निच्यूडको भूकम्प जाँदा १८५ जनाको मृत्यु भएको थियो ।