अमेरिकी राष्ट्रपति डोलाण्ड ट्रमको सेनामा तेश्रो लिंगीलाई प्रवेश रोक लगाउने नीति असफल भएको छ । एक संघीय अदालतले अमेरिकी सेनामा तेस्रो लिंगी समुदायले काम गर्न नपाउने गरी लगाएको प्रतिबन्ध तत्काल कार्यान्वयन गर्न नपाउने गरी रोक लगाएको छ ।
राष्ट्रपति डोनाल्ड ट्रम्पले तेस्रो लिंगी समुदायमाथि सेनामा काम गर्न नपाउने गरी प्रतिबन्ध निर्णय गरेका थिए । तर अदालतले उक्त निर्णय कार्यन्वयन नगर्न आदेश दिएपछि असफल भएको हो ।
जिल्ला न्यायाधीश कोलिन कोल्लार–कोटेलीले ट्रम्पले प्रेसिडेन्सियल मेमो मार्फत सेनामा तेस्रो लिंगीमाथि प्रतिबन्ध लगाउने गरी ल्याएको नियम कार्यान्वयन तत्कालका लागि रोक लगाउने सैफला सुनाएको हो ।
ट्रम्पले पूर्व राष्ट्रपति बाराक ओबामाले तेस्रो लिंगीले सेनामा रहेर काम गर्न पाउने गरी ल्याएको नियमको प्रतिस्थापनका लागि प्रेसिडेन्सियल मेमो जारी गरेका थिए । त्यस विरुद्ध गएको अगस्टमा अदालतमा मुद्दा दायर भएको थियो ।
