अमेरिका को न्युयोर्कमा भएको सडक दुर्घटनामा ८ व्यक्तिको ज्यान गएको छ । दुर्घटनामा ११ जना घाइते भएका छन । न्युयोर्कको लोअर म्यानहटनमा एक ड्राइभरले आफ्नो ट्रक फुटपाथ र साइकिल लेनमा चढाएर साइकलमा सवार आठ ब्यक्तिको ज्यान लिएका हुन ।
प्रहरीले यो घटनालाई चरमपन्थी हमलाको रुपमा टिप्पणी गरेको छ । प्रहरीले ट्रक ड्राइभरलाई तत्कालै नियन्त्रणमा लिएको थियो ।
अमेरिकी सञ्चार माध्यमका अनुसार २९ वर्षीय ड्राइभरको नाम सेफुलो साइपोव हो । उनले आफूलाई प्रवासी भनेर परिचय दिएका छन् । जो सन् २०१० मा अमेरिका आएका थिए ।