भरतीय प्रधानमन्त्री नरेन्द्र मोदीले विमानस्थल मै पुगेर इजरायलका प्रधानमन्त्रीलाई स्वागत गरेर प्रोटोकल नै तोडेका छन् । मोदीले आइतबार इजरायलका प्रधानमन्त्री नेतन्याहू र उनकी पत्नी सारालाई दिल्ली विमानस्थल मै पुगेर स्वागत गरेर प्रोटोकल मिचेका हुन् ।
सन् २००३ पछि पहिलो पटक इजरायलका प्रधानमन्त्री भारत भ्रमणमा आएका हुन् । ६ दिने भ्रमणको क्रमंमा दुई देशबीच अरबौ डलरका सम्झौताहरु हुने बताईएको छ । नेतन्याहूले विदेश भ्रमणको क्रममा अहिलेसम्म कै ठुलो 'ऐतिहासिक जत्था' १३० सदस्यीय प्रतिनिधित्व गर्दै भारत भ्रमणमा आएका हुन् ।
इजरायलले हरेक बर्ष भारत संग १ बिलियन डलर बराबरको हतियार खरिद गर्ने गर्छ ।