नोभेम्बरमा हुने अमेरिकी राष्ट्रपति चुनावका लागि रिपब्लिकन पार्टीले डोनाल्ड ट्रम्पलाई राष्ट्रपतिको उम्मेद्धार बनाएको छ । राष्ट्रपतिको चुनावमा उनले डेमोक्रेटिक पार्टीकी उमेद्वार हिलारी क्लिन्टनसँग प्रतिष्पर्धा गर्नेछन्।
उनले ‘मेक अमेरिका ग्रेट अगेन’ र ‘मेक अमेरिका सेफ अगेन’ भन्ने जस्ता चुनावी नारा दिएका छन् । पार्टीको अधिवेशनका क्रममा रिपब्लिकन पार्टीका नेताहरुले उनका गुण र नीतिको प्रशंसा गर्नेभन्दा पनि हिलारी क्लिन्टनप्रति आक्रामक भएका थिए ।
ओहायो राज्यमा जारी रिपब्लिकन पार्टीको राष्ट्रिय अधिवेशनबाट बहुमत प्रतिनिधिको समर्थनमा ट्रम्प राष्ट्रपति पदका उमेदवार बनेका हुन् । इन्डियानाका गभर्नर माइक पेस उपराष्ट्रपति पदका उमेदार बन्ने भएका छन् ।
बिहीबार ट्रम्पले उम्मेदवारीको आधिकारिक रुपमा स्वीकार गर्ने कार्यक्रम रहेको छ । एक भिडियो मार्फत उनले राष्ट्रपति पदमा उमेदवार चुनिन पाउँदा गौरवान्वित भएको बताएको अन्तराष्ट्रिय संचारमाध्यमहरुले जनाएका छन् । ट्रम्पले अमेरिकाको बदलावको लागि पनि आफ्नो जित आवश्यक रहेको दावी गरेको छन् ।