युरोपियन देश स्लोभाकियाको राष्ट्रपतिमा जुजाना क्यापुटोभा निर्वाचित भएकी छिन् । मध्य युरोपको भूपरिवेष्ठित राष्ट्रले पहिलो पटक महिला राष्ट्रपति पाएको हो । भ्रष्टाचार विरोधी उम्मेदवार क्यापुटोभाले सत्तासीन पार्टीका मारोस सेफकोभिकलाई दोस्रो राउण्डको रनअफ भोटमा पराजित गरेकी हुन् ।
स्लोभाकियामा खोज पत्रकार जन कुइयाकको हत्यापछि क्यापुटोभाले राष्ट्रपतिमा उम्मेद्धारी दिने घोषणा गरेकी थिइन् । ती पत्रकारले राजनीतिज्ञ र संगठित अपराधबीच सम्बन्ध रहेको भन्दै समाचार लेखेपछि गत फेब्रुअरी २०१८ मा उनकी पत्नीसँगै गोली हानेर हत्या गरिएको थियो ।
निर्वाचनमा क्यापुटोभाले ५८ प्रतिशत मत ल्याउँएकी छिन् । उनका प्रतिद्वन्द्वी सेफकोभिकले ४२ प्रतिशत मत पाएका थिए ।
